Psalms 29
Ũhootani wa Jehova
Thaburi ya Daudi
1 aRahai Jehova, inyuĩ ciũmbe cia igũrũ,rahai Jehova tondũ nĩwe ũrĩ riiri na hinya.
2Rahai Jehova, mũheane ũhoro wa riiri wa rĩĩtwa rĩake;
thathaiyai Jehova thĩinĩ wa ũkengi wa ũthingu wake.
3 bMũgambo wa Jehova ũragamba na kũu iria-inĩ;
Mũrungu ũcio wa riiri nĩararuruma,
Jehova araruruma igũrũ rĩa maaĩ maingĩ.
4Mũgambo wa Jehova nĩ ũrĩ ũhoti;
mũgambo wa Jehova ũiyũrĩte riiri.
5 cMũgambo wa Jehova unangaga mĩtarakwa;
Jehova oinangaga mĩtarakwa ya Lebanoni ĩgatuĩka tũcunjĩ.
6 dAtũmaga bũrũri wa Lebanoni ũtũũhe ta njaũ,
nakĩo Kĩrĩma gĩa Sirioni ▼
▼Sirioni nĩ rĩĩtwa rĩngĩ rĩa Herimoni na rũthiomi rwa Finicia.
gĩgatũũha ta njaũ ya mbogo.7 fMũgambo wa Jehova ũhenũkaga nĩnĩmbĩ cia mwaki.
8 gMũgambo wa Jehova ũinainagia werũ;
Jehova ainainagia Werũ wa Kadeshi.
9Mũgambo wa Jehova ũthioraga mĩtĩ ya mĩgandi,
na ũgatũma mĩtitũ ĩhũrũrũke ĩgatigwo ũtheri.
Nakuo hekarũ-inĩ yake arĩa othe marĩ kuo makaanĩrĩra
makoiga, “Kaĩ arĩ riiri-ĩ!”
10Jehova arĩ igũrũ rĩa mũiyũro wa maaĩ aikarĩire gĩtĩ kĩa ũnene;
Jehova egũtũũra aikarĩire gĩtĩ kĩa ũnene arĩ Mũthamaki nginya tene.
11 hJehova aheaga andũ ake hinya;
Jehova arathimaga andũ ake magaikara na thayũ.
Copyright information for
KikGKY